صورة لقطار الموترحت النهاردة ملاهي دريم بارك أنا و أخويا محمد و صديق عمري بن تيمية و اخوه عبده و اخته ندي .........بصراحة كان اليوم جميل و لعبنا هناك بعض الالعاب و طبعا ندي و محمد اكتر اتنين لعبوا " معلش اصغر اتنين " لازمي يلعبوا اكتر .......هههههههه الحقيقة كان ينقصنا كاميرا عشان نتصور ......بس يلا مش مهم حصل خير ..الجيات اكتر من الرايحات طيب هو فيها ايه يعني لما نروح الملاهي ؟؟ و ايه الجديد ؟؟ هو كل واحد يروح الملاهي يجي يدون تدوينة !!!! لا الحقيقة دا مش مبدأ عندي في التدوين ........و لا أحب اخوض في حاجات شخصية لكن جاتلي خاطرة و احنا في الملاهي حبيت اقولها
أحذورا النار ...و لو بشق تمرةطبعا عارفين في الملاهي في العاب خطيرة ازاي " الصاروخ و قطر الموت و ديسكفري " .........العاب فعلا ترعب و تهز قلبك و أكيد كلنا شوفنا الناس بتصوت ازاااي ؟؟و اللي بيتخض و اللي بيغمض عينه و فيه اللي اعصابه بتسيب و اللي بيغمي عليه .........يعني طبعا تخيل واحد علي ارتفاع 10 و لا 15 متر فوق الارض و بيتقلب في الجو و شايف نفسه كده طبعا لازم يصوت ............و تعليقات الشباب و البنات جوه اللعب دي حاجة تؤكد لك كده " أنا نفسي سمعت البنت اللي كانت راكبة قدامي تقريبا بتقول خلاص حرمت و هي بتصوت و النبي يا رب استرها مش هركبه تاني لو نزلت أأأأأأأأأأأأأأأأأأأأأاه و هاتك يا صويت " و واحد شاب بعد ما نزلنا بيقول لصاحبه ..نصيحة روح اجوز الاول و بعدين ابقي اركب قطر الموت لأنك هتشاهد فوق " و في ناس تخاف اصلا تركب الحاجات دي " تتفرج بس " لكن تركب دا مستحيل ؟؟ ليه يخاف و حقه
الحقيقة كل المشاهد دي اترسمت في دماغي و اتخيلت و احنا ماشين كدا من كتر الصويت بتاع الشباب و البنات " عذاب القبر " و عذاب أهل النار " و هم بيصوتوا و جاتلي خاطرة في بالي فقولت لابن تيمية صاحبي ياااااااااااااااااااااه " تخيل لو النار فيها ملاهي بس من غير نار " و كل واحد عمل ذنب هيركب قطر الموت و لا الصاروخ ده اجباري و مش 3 دقايق لأ ساعة كاملة متواصل .؟؟ و الله يا اخي كفاية كدا عذاب " ساعة بيتشقلب في الجو و بيصوت من الخوف " عشان فوق الارض 20 متر بس تخيل الواحد عمل كام ذنب " طول حياته لحد الان "
تخيل كل ذنب هتتعذب فيه في ملاهي زي دي و مش باختيارك لأ اجباري هتركب اللعبة " بجد في ناس كانت خايفة انها تركب اصلا " و " ناس خايفة و هي بتتفرج من المنظر "
رغم كل احتياطات الامان الموجودة و الحزام اللي حوالين وسطك و الشنطة اللي عليك و اتباع قواعد السلامة و انت اصلا متهيأ نفسيا وشوفت حد قبليك دا غير انك بتقول هم يا سيدي 3 دقايق و اللعبة تخلص نستحملهم و نخلينا رجالة ...." تخيل لو قالولك لأ هتبقي ساعة " صدقني مش هتركب و لو قالولك " ان كل اللي بيدخل بيطلع دايخ و مغمي عليه " ..كده بقي مش هتفكر تركب اصلا ......رد عليا بن تيمية و قالي " رب كلمة لا يلقي لها المرء بالا تهوي به في النار 70 خريفا " يعني سبعين سنة "
تخيل واحد عشان شتيمة بهزار مع صاحبه ........هتتحدف من فوق من غير حزام امان و من غير تهيئة نفسية و حواليك النار 70 سنة بتنزل " شوف الارتفاع قد ايه " مش 20 متر و لا 15 ........لأ لأ دي حاجة تانية يا جماعة فعلا النار دي صعبة قوي " و احنا ضعاف جدا جدا " اللهم استرنا و لا تفضحنا و لا تعذبنا بنارك فإنا بك مؤمنون
0 التعليقات:
إرسال تعليق